Ótrúlegt veður

Það var eins og að vera stödd í suður Evrópu þegar ég drakk morgunkaffið úti í gær, nema þar er Eyjafjallajökullinn ekki svona fallegur. Eyddi deginum á flakki um Reykjavík í gær, ekkert í sólinni. Börnin léku sér í tuttugu stiga hita léttklædd fram undir miðnætti úti í gær. Njóta þess þegar færi gefst. Erum annars á leið í Veiðivötn fjölskyldan, spennandi. Krökkunum hlakkar mikið til, tengdapabbi fer líka og fleira gott fólk, veðrið lítur vel út, 15° hiti núna klukkan 6:30. Svo er það Grímsnesið um helgina, hin margumtalaða versló og það að sjá kvikna í brennunni sem við höfum fylgst með stækka frá því í vor. Fariði varlega næstu daga.

Ekki barn heldur kona

Átti yndislegan afmælisdag. Fékk Kollu og börnin í heimsókn í gær, elduðum góðan mat, smá hvítvín og spjall. Fórum í sund á Hellu í morgun og út að borða á Árhúsum, fínustu pizzur. Heima var hvíld og síðar afmæliskaka sem Kolla bakaði, ekkert smá dekur. Skelltum okkur síðan á Selfoss og aftur var það veitingastaður, meiri pizza. Fullkominn afmælisdagur, börnin reyndar biðu eftir veislunni hvenær hún myndi byrja og hvenær kæmi allt fólkið, svo voru þau sammála um að mamma þeirra væri ekki afmælisbarn heldur kona.
Góða nótt og Guð geymi ykkur og þakka allar góðar afmæliskveðjur.

Lítill frændi

Eignaðist lítinn frænda í nótt, 18 merkur góðan daginn, enda Núparar ekki þekktir fyrir minna. Sif og Kiddi Nonni eru hinir stoltu foreldrar og Salka stóra systir. Hlakka ofsalega til að sjá þennan hæglætisdreng sem lét bíða töluvert eftir sér. Ég var á tímabili farin að óttast að ég væri mögulega berdreymin því mig dreymdi fyrir stuttu að Sif kæmi til mín og færði mér þennan fallega bleika bolla í afmælisgjöf en hjúkk fyrir hana að hafa þurft að bíða fram á miðvikudag.
Annars er þetta flottur dagur, 19. júlí, foreldrar mínir eiga í dag brúðkaupsafmæli 33 ár held ég að ég fari rétt með. Það er gaman að segja frá því að ég kem til með að gefa saman þrenn brúðhjón á þessum fallega sumardegi. Allir til hamingju :-)

Brúðkaupsafmæli

Við hjónin eigum 8 ára brúðkaupsafmæli í dag, koparbrúðkaup. Það toppar líklega ekkert þegar við í fyrra þegar áttum 7 ára brúðkaupsafmæli vorum við að rýja á ulllarbrúðkaupi. Ég hins vegar samdi í morgun hjónavígsluræðu fyrir laugardag svo ég er með hugann við hjónabandið. Eigum hins vegar eftir að festa dag fyrir brúðkaupsgönguna, sé hvernig það gengur.

Gestir og gæs

Fengum góða gesti í gær og gestaherbergið alltaf jafn vinsælt.
Kolla mín kom frá Lux í gær og það verður gaman að hitta hana í kvöld.
Gæs á morgun, gaman :-)

Landsmót

Hella hefur tekið á sig allt annan brag síðustu daga. Ég hef að mestu haldið mig heima við. Samdi við börnin að láta nýju rennibrautirnar í sundlauginni bíða fram yfir landsmót enda var biðröð inn í sundlaugina þegar ég keyrði þar framhjá í morgun.
Fór í gær og tók þátt í setningu Landsmóts með hópreið og hugvekju. það gekk bara nokkuð vel, ég var svo stressuð að hálfa hefði veri nóg enda ekki þekkt fyrir mikla hestamennsku en þetta blessaðist allt svo ég er slök í dag.
Á þriðjudag kom hún Edda Ósk úr Kópavoginum í heimsókn og stendur sig vel sem barnapía, freyr fór í staðinn í Kópavoginn og unir sé vel með Palla frænda sínu. Hann kvartar yfir hávaða utan frá á morgna, bílum og lögguhljóðum, ekkert slíkt í sveitinni.
Fékk góða heimsókn á miðvikudag, hana Siggu Gunn að norðan, alveg frábært að hafa hana í morgunkaffi og spjalli, höfum náð að vinna upp hitt og þetta órætt í gegnum tíðina :-) .