Gleðileg jól og gleðilegt ár

Úff, ég er ekki að standa mig í jólaóskunum til ykkar en það kemur þó fyrir jólalok. Hér er allt það besta að frétta. Búið að vera nóg að gera. Uppgötvaði það á aðfangadag að líkaminn var að gefa eftir, enda seint farið að sofa kvöldin fyrir jól, ekki gott, bæta úr því næst. Hálsbólga gerði hægt en örugglega vart við siger jólin gengu í garð og í guðsþjónustunni á 2. í jólum var röddin ekki upp á sitt besta og tónið eftir því :-( Hálf raddlaus sinnti ég hinum og þessum störfum milli jóla og nýárs. Mikið gleðileg athöfn var í gær er ég gaf saman mágkonu mína, Þrúði, systir hans Hreins og Duffa. Frábærlega gaman og geggjað veður, síðan var veisla í húsi við Elliðavatn, alveg frábært útsýni og staðsetning. Í dag var veðrið ekki geggjað nema í neikvæðri merkingu en hingað barðist samt fólk með barnið sitt sem borið var til skírnar. Síðan var haldið upp á 80 ára afmæli Hellu áðan í íþróttahúsinu. Á morgun er það guðsþjónusta kl. 16 síðan brunum við í mat til mömmu. Úff jólafrí hvað?
Hafið það gott yfir áramótin krúttin mín, farið varlega og gangið hægt um gleðinnar dyr ef það verður yfir höfuð veður til að gera nokkuð nema sitja inni og ,,hygge sig'' yfir fréttaannálum og skaupinu. Það er líka alveg nóg til að eiga fullkomið gamlárskvöld að mínu mati.

Á skíðum

Snjór yfir öllu, gaman, gaman. Krakkarnir fóru á sleða í brekkunni. Ég sá glitta í gömlu skíðin mín og skellti mér tvær ferðir niður brekkuna. Ég hef algerlega gleymt öllum skíðatöktum sem voru reyndar ekki miklir en þó smá. Nú er bara að fara alla vega einu sinni á dag meðan snjórinn er svo ég kemst kannski fimm sinnum í vetur :-)
Jólakveðjan kemur í kvöld.

Hver er morðinginn?

Ég er veik fyrir dönskum þáttum. Örninn var frábær og það besta var að eftir flesta þættina gat ég átt nokkuð náðugar stundir. Ég er núna hálf að flippa út, hver myrti Nönnu Birk Larsen? Hreinn ætlaði að kippa þessu í lag og fá frænda sinn í Dk til að útvega þættina en svo heyrði ég í símtali áðan að líklega verður önnur sería svo málið er kannski bara ekki að fara að leysast. Gunnur vilt þú eitthvað tjá þig um málið eða horfir þú ekki á danskt í Dk?
Úff ég hlýt að jafna mig.

Fasta hvað....

Aðventan er jólafasta, bara að nefna það. Þá ætti fólk að minnka við sig af veraldlegum gæðum. Einmitt ekki það sem er að gerast í kringum mig. Ég er stöðugt í veislum, persónuleg afmæli. Ég er stöðugt á aðventusamkomum hjá hinum eða þessum og gúmmulaði, gúmmulaði alls staðar. Ég hef ekki stjórn á mér ef eitthvað gott er að borða, mun líklega aldrei flotinu neita. Ég hef ekki á móti farið á þrektækið mitt í kjallarnum og er við það að springa.
Annars er ég þakklát þessu roku þó auðvitað sé slæmt ef hlutir eru að skemmast. Ég fór reyndar í veislu áðan en nú er ég bara heima að taka til og ætla í jólakortin á eftir. Svo mér verður eitthvað úr verki í rokinu.

Heimspeki hversdagsins

Það virðist vera einhver bragur að því að einhver er skilin/n út undan í bekknum hans Freys og vorum við að ræða það. Ég minntist þess að einn veturinn í barnaskóla fórum við bekkurinn í Tryggvagarð og í Tansaníuleik og áttum okkur þar mikinn ævintýraheim. Ég sagði að allir sem vildu úr bekknum hefðu mátt vera með (vona að það sé ekki misminni, ef svo er þá er um hvíta lygi að ræða). Frey þótti þetta spennandi og spurði hvort við hefðum aldrei látið leikin berast út fyrir garðinn en ég sagði svo ekki vera. Þá spurði hann alvarlegur: ,,Mamma, voru bara til hestvagnar á þessum tíma?'' Ég vissi alveg að ég væri kannski ekki sú stelpulegasta, en að mati Freys greinilega nokkuð farið að slá í mig. Hann óskaði þess að hafa verið upp á þessum tíma og spurði hvers vegna hann hefði ekki fæðst fyrr. Hverju svarar maður þá? Hann hafði þá hugsað sér að gaman væri að eiga tímavél og hann gæti skotist aftur í tímann, svo myndi hann hitta mig og segja mér að seinna á ævinni yrði hann sonur minn. Ímyndunaraflið í lagi.
Annars er í nógu að snúast núna, hugleiðingar og annað í þeim dúr bíða í röðum eftir að fá að komast á blað. Bless í bili.

3 ára

Helgin var frábær. Afi Óskar gisti hjá okkur á föstudagsnótt en Freyr fékk að gista á Selfossi hjá Patreki Thor. Á laugardag var afmæli hjá Sindra í Hveragerði. Seinna um daginn komu amma og afi og við gerðum laufabrauð, mikið gaman. Þau gistu og vekur það alltaf jafn miklu lukku þegar einhver vill gista. Á sunnudag átti heimasætan 3 ára afmæli og telur hún sig nú nánst 16 ára og ætlaði vart að þora að sofna með dudduna sína í kvöld því hún var orðin 3 ára. Pakkar voru opnaðir í morgun við mikinn fögnuð. Við fórum eftir messu í Haukadal, náð í eitt jólatré eða svo. Fórum síðan á jólahlaðborð á Geysi, alveg æði, pöntuðum á leiðinni út fyrir okkur aftur á næsta ári, mæli fullkomlega með þessari fjölskylduskemmtun. Jæja smá bjótt á morgun, best að sofna og safna kröftum.