Himnaríki

Ég hef alltaf skilið að himnaríki væri í himnum. En Jesús sagði líka að guðsríki væri innra með okkur. Ég hef alltaf sagt það og segi það enn að það er samasem merki á milli Þórsmerkur og himnaríkis. Fyrir utan fegurðina þá er ekkert gsm samband í Langadal og pottþétt ekki á himnum, það er draumur út af fyrir sig :-)
Annars sit ég inni, ekki í sólinni og undirbý vísitasíu biskups. Eini bjarminn sem ég sé í dag verður af tölvuskjánum.

Þórsmörk

Mér finnst alveg nauðsynlegt að fara í Þórsmörk amk. einu sinni á ári. Nú er sá tími og heldur betur. Eginmaðurinn er orðinn svo settlegur að hann er kominn í Rotary og í gær var ferð í Þórsmörk, við fórum og gróðursettum og svo var grill. Krakkarnir fóru í nýju vaðlaugina í Húsadal og svo sofnuðu þau sæl og ánægð í rútunni á leiðinni heim.
Í dag förum við aftur í Þórsmörk og nú gistum við. Það átti að vera vinnu- og fræsðsluferð með FÍ en það var ekki nógu góð þátttaka svo það verður bara minni vinna og meira gaman. Þórsmörk er alltaf paradís á jörðu. Hlakka til.