Gleðileg jól

Kæru vinir og aðrir lesendur!
Guð gefi ykkur öllum gleðileg jól og farsæld á komandi ári. Þakka allar góða og ánægjlegar samverustundir á liðnum árum. Megi jólin færi ykkur frið og fögnuð og komandi ár gæfu og gleði. Hlakka til að hitta ykku öll við fyrsta tækifæri og megi samverustundum okkar fjölga á nýju ári.

Engin snjór

Snjórinn er farinn eins og hann var notalegur, nú er það grá og blaut rigningin og rauð jól framundan. Það jákvæða við það er að ég kemst þá greiðlega á milli kirkjustaði til að messa og þarf ekki að sitja föst í skafli á milli kirkna. Tíminn er alveg á harðahlaupum þessa dagana, gluggarnir á dagtölum barnanna hamast við að opnast og ég reyni eins og ég get að fylgja eftir. Veit ekki hvort það er annríki um að kenna að því að vera annars hugar frá börnunum en Freyr kallar mig ekkert annað en Guðbjörgu og ég heyri ekki mamma, Ásrún apar þetta oft eftir en hún man þó oftar eftir að kalla á mömmu sína. Ég verð að viðurkenna að mér finnst þetta ekki nógu persónulegt.

Jólasnjór

Mér finnst gaman í snjó og krúttlegt að hafa hann, alla vega ennþá. Mér finnst sjarmi yfir því að þurfa að keyra hægt og spóla smá í sköflum. Annað sem er nýtt og spennandi fyrir mér er tækjaæði húsbóndans. Hann keypti sér vélsleða í haust og hefur honum til ama ekki getað notað hann nógu mikið þangað til í gær þá var keyrt um öll tún. Mín fékk svo að prófa, fór bara stuttan hring og mjög hægt, en dje... afsakið orðbragðið var gaman. Hlakka til að fara annan hring seinni partinn í dag. Enn af aftur verð ég að hæla framtakinu jólasveinninn. Það er eins og einhver hafi stolið syni mínum og sett í staðinn dreng sem hlýðir öllu í einu orði, fer að sofa jafnvel fyrr en hann þarf, og hann meira að segja vaknar ekki endilega fyrr. Þetta er svo mikill lúxus, það er greinilegt að þetta er uppeldiaðferð sem virkar á Frey, þó er alls ekki verið að hóta honum einu eða neinu. Ásrún hins vegar hefur ekki hugmynd um hvað er á seyði og neitar með öllu að jólasveinninn gefi henni nokkurn hlut, það er konan, enda var hún viðstödd þegar jólasveinninn fór í búðina í gær og konan afgreiddi hann :-)

Annir á aðventu

Það er í nógu að snúast. Sunnudagurinn alveg pakkaður hjá hjónunum, aumingja börnin og svo prédikar presturinn að fólk eigi að verja meiri tíma með börnunum sínum! Það komin engill í mynd Úu okkar á laugardagskvöld og gisti í Odda og tók þannig að sér börnin, takk elsku Úa okkar, þú ert alveg best og algjör engill. Gærdagurinn fór í stúss í Reykjavík, borg óttans. Nei, ég segi svona, ég verð samt hálf vitlaus í höfðinu og augunum í stórverslunum, sérstaklega með allt stóðið með mér. Sem betur fer var mamma með annars hefði ekkert verið gert. Hitti Sif og Sölku fyrir tilviljun í Smáralind og mátti ekkert vera að því að tala við þær, lætin svo mikil að gera allt sem þurfti að gera. Gersamlega skal ég gera allt í nóvember á næsta ári, heheh, segir maður þetta ekki alltaf. Jæja, það var samt gaman að vera með mömmu og hitta Elfu.
Jæja, nú fer sá dýrðartími í hönd þar sem börnin, alla vega Freyr, fara nánast að sjáfsdáðum í rúmið mjög snemma, vakna reyndar mjög snemma því skórinn býður með góssið í gluggunum. Ég sé fram á hugguleg kvöld þar sem allt er komið í ró fyrir níu. Ef það er svo ljúft legg til að tala jólasveinanna verðu tvöfölduð, reynar útheimtir það enn meiri útgjöld, það er ekki á allt kosið. Jæja, verkefnin bíða. Bless krúttin mín og ekkert stress, lofiði því!

Hvert hafa daga mínir horfið?

Já, réttilega hef ég ekki látið í mér heyra nógu lengi. Ég hef nú ekki eingöngu staðið í bakstri en þó um helgina náðu baksturinn hámarki með 2 ára afmæli Ásrúnar á laugardaginn. Það var mikið gaman og Ásrún í skýjunum yfir afmælinu, pökkunum, ,,úttlaðigökunni'' og flestu öðru. Hér var eins og alltaf á afmælum margt um manninn og nú fyrst komu kostir þessa stóra húss í ljós þó ég hafi sárlega kvartað undan því á föstudaginn þegar ég gakk um herbergin með skúringafötuna að moka sandinum úr gluggakistunum eftir vindasama daga. Það er nóg framundan og næsta vika undirlögð aðventusamkomum og öðrum skyldustörfum. Það er þá bara til að líta á bjrötu hliðarnar merki um að fólk leitar eftir að fá að heyra um hina eiginlegu merkingu jólanna ekki að það fái ekki næga nærignu úr bæklingum og búðum.
Jæja, ég er á leið til messu nú kl 16. Guð veri með ykkur nú við upphaf jólaföstu