Dásamlegt

Mikið er vorið dásamlegt og veðrið, júhú. Þá er bara að njóta dagsins eins og hægt er, segi skrifað! Skamm, drífðu þig frá tölvunni og út í vorið góða og náttúruna ;-)

Speki lífsins

Freyr hefur ráðið eina af gátum lífsins, eða öllu heldur er með tilgang lífsins á hreinu. Spekin snýst um það að í gærmorgun þótti honum magi móður sinnar of stór svo hann spyr hvort í honum sé barn. Móðirin sagði svo alls ekki vera, hún hefði líklegast verið of gráðug í páskaeggin og kökurnar í afmælinu hans. Nei, hann hélt nú ekki og hrópaði: "Vei, við verðum þrjú, við verðum þrjú'' Loks hætti hann þó húrra hrópunum og talið beindist að öðru. En minn maður gefst ekki upp í dag þegar hann var sóttur á leikskólann horfði hann aðdáunaraugum á leikfélaga sína í leikskólanum sem eiga fleiri syskini en hann og stærri bíla og aftur byrjaði söngurinn: "Mamma, ég vil að við verðum mörg." Mamma: "Nei Freyr minn, við ætlum ekki að eiga svona mörg börn, þetta er gott eins og það er". Freyr: "Nei mamma þú ræður því ekki" Mamma: "Jú, Freyr minn ég ræð því, eða hver heldurðu að geri það annars?" Freyr: "Auðvitað Guð, Guð vill að við verðum mörg, þannig á það að vera, Guð vill ekki að við deyjum öll í einu. Þannig er það, við fæðumst og við deyjum og Guð vill ekki að við öll deyjum í einu, þess vegna vill Guð að við verðum mörg, þannig á það að vera mamma." Já og hvað segir maður við svona speki?

Hvítt vor

Skrifaði þetta færslu í gær en af einhverjum orsökum komst hún ekki alla leið en hún á alls ekki síður við í dag svo ég reyni aftur.

Alhvít jörð blasti við mér um hálf sjö í morgun, ég kippti mér svo sem ekkert upp við það. Freyr hins vegar var mjög hissa þegar hann fór á fætur og spurði: ,,Hva! Af hverju er snjór þegar það er vor?'' Já, það er nú það. Ég þykist nú ekkert svekkt yfir þessu en ég viðurkenni að notalegra hefði verið að vakna við vorið eins og Ronja Ræningjadóttir, jörðin alhvít af anímónum sem heilsuðu brosandi. Við fórum sem sagt á Ronju í gær mæðginum og amma Sessa, líka Kolla, Esther Elma og Guðrún amma hennar að ógleymdri Úu okkar. Þetta var alveg frábær sýning og ofsalega gaman, það var ekki laust við að hjartað í hinum fullorðnu tæki ekki síður kipp þegar grádvergarnir mættu á svæðið með rauðglóandi augu. Freyr hefði reyndar frekar viljað hafa þau grænglóandi, við skynjum ekki allt eins. Ég læt hins vegar þessa hvítu jörð ekki slá mig út af laginu því vorlaukarnir standa þetta af sér og vorið er bara rétt að stríða, minna okkur á að meta sig að verðleikum.

Hvítt vor

Alhvít jörð blasti við mér um hálf sjö í morgun, ég kippti mér svo sem ekkert upp við það. Freyr hins vegar var mjög hissa þegar hann fór á fætur og spurði: ,,Hva! Af hverju er snjór þegar það er vor?'' Já, það er nú það. Ég þykist nú ekkert svekkt yfir þessu en ég viðurkenni að notalegra hefði verið að vakna við vorið eins og Ronja Ræningjadóttir, jörðin alhvít af anímónum sem heilsuðu brosandi. Við fórum sem sagt á Ronju í gær mæðginum og amma Sessa, líka Kolla, Esther Elma og Guðrún amma hennar að ógleymdri Úu okkar. Þetta var alveg frábær sýning og ofsalega gaman, það var ekki laust við að hjartað í hinum fullorðnu tæki ekki síður kipp þegar grádvergarnir mættu á svæðið með rauðglóandi augu. Freyr hefði reyndar frekar viljað hafa þau grænglóandi, við skynjum ekki allt eins. Ég læt hins vegar þessa hvítu jörð ekki slá mig út af laginu því vorlaukarnir standa þetta af sér og vorið er bara rétt að stríða, minna okkur á að meta sig að verðleikum.

Gleðilegt sumar

Já, sumarið er mætt og heilsar fallega. Við mæðginin náðum í skottið á skrúðgöngunni í gær og enduðu í skátmessu. Freyr vildi endilega fara í messuna og varð ég glöð við óskum hans. Honum fór reyndar fljótt að leiðast og sá eftir bóninni. Annars var þetta fallegur sumardagur hér og fór fjölskyldan m.a. í göngu og keyptur var ís í brauðformi á línuna. Það er ekki eins sumarlegt í dag en svona er þetta víst.

Tíminn líður

Páskarnir liðnir fljótt og örugglega, allt eins og vera ber. Þeir enduðu á 5 ára afmæli Freys, standandi partý frá 13-19:30. Mikið fjör en sem betur fer var blíðskaparveður svo börnin hlupu um allt húfulaus og á peysunum. Að öðru leyti ætla ég ekkert að skrifa meira í dag. Verðum í bandi.

Dymbilvika

Þá er helgin liðin, vorum í Framnesinu, algjör draumur. Elfa var með okkur á föstudeginum og gisti, á laugardag fengum við marga góða gesti. Frábær helgi, algjör slökun og hitti alveg í mark, við ætluðum aldrei að hafa okkur í að ganga frá og koma heim. Dymbilvikan fer af stað með látum og nóg að gera. Reyni annars að kyrra hugann sem mest og viðhalda innri friði, hvet ykkur til að gera slíkt hið sama. Megið þið eiga notalegar stundir framundan.

Lifi og læt mig dreyma

Fórum hjónin í gær og skoðuðum Odda, kirkjuna og prestsetrið. Við urðum alveg heilluð. Sváfum hálf illa í nótt, Hreinn var á fullu hugsa um kyndingu hússins og ég í endalausum viðtölum við sóknarnefnd. Svo við erum komin á kaf í drauma í vöku og svefni. Sumum draumum er ætlað að rætast, öðrum ekki. Sjáum hvernig þessi fer. Þakka góða strauma ;-)

Mánudagur

Þá er komin mánudagur enn á ný. Helgin leið fljótt og örugglega eins og flestar helgar. Á föstudaginn var ég komin með sýkingu í augunn, ekki við öðru að búast enda allir fjölskyldumeðlimir nema ég búin að vera með þetta. Það er allt að koma þó er augun enn eins ég hafi setið að sumbli hálfa nóttina, sem er svo fjarri lagi enda sofnuð fyrir ellefu bæði kvöld helgarinnar. Síðasti sunnudagaskólinn var á sunnudaginn og nú er ég kominí frí með allt mitt starf í kirkjunni, augljós merki vorsins. Að öðru leyti bíð ég eins og þú Sigga eftir auglýsingunni, sem hlýtur nú að fara að birtast ;-)
Eigiði góða vinnuviku!